您当前位置:主页 > T校生活 >【新年小辑】深水埗过年地摊寻宝 >
【新年小辑】深水埗过年地摊寻宝
T校生活

【新年小辑】深水埗过年地摊寻宝

粉丝数:322+
浏览量:6356欢迎浏览本网站的精品文章
时间:2020-06-13 04:41:08
【新年小辑】深水埗过年地摊寻宝 【新年小辑】深水埗过年地摊寻宝 【新年小辑】深水埗过年地摊寻宝 【新年小辑】深水埗过年地摊寻宝 【新年小辑】深水埗过年地摊寻宝 【新年小辑】深水埗过年地摊寻宝 【新年小辑】深水埗过年地摊寻宝 【新年小辑】深水埗过年地摊寻宝 【新年小辑】深水埗过年地摊寻宝 【新年小辑】深水埗过年地摊寻宝 【新年小辑】深水埗过年地摊寻宝

sham shui po

好多人都知,但唔好太大声:深水埗有好多地摊档由年三十晚到初四摆卖,亦係一班电影、音乐发烧友寻宝嘅好时机。你会睇到好多档口有客人深蹲膝盖,好投入咁去翻阅每张DVD、VCD、蓝光、Game、CD、黑胶、LD、书刊。新年期间,深水埗鸭寮街成为大割价嘅影音产品散货集中地 ,但最吸引地方係档主并非卖市面上一般新货品——好多档主都会搜罗到来自唔同年代嘅产品,趁新年几日红假供大家寻宝——尤其係,你完全预计唔到你会搵到几咁千奇百怪嘅电影。

LD回忆,巿场绝版
由西九龙中心行入去鸭寮街,由第一档专卖旧式镭射LD影片同CD嘅档开始,档主婆婆放置几百套LD任君选择,当中睇到好多香港未出过DVD嘅电影,例如LD有徐克最实验性嘅武侠片《刀》、美术先锋区丁平最后执导嘅《狂野生死恋》、刘青云同黄秋生罕有联合主演嘅《拆弹专家之宝贝炸弹》、非洲演员历苏来港拍摄嘅《香港也疯狂》、郑伊健早期主演嘅《男儿当入樽》&《人鱼传说》、尊尼特普主演嘅《艾活传》、彼德积逊导演《群尸玩过界》等等。一路走过,仿如返到90年代租借VHS或LD嘅影视专门店一样,那时好多电影你都想拥有,但年少时负担唔起高昂嘅价钱,直到VCD或DVD年代嘅来临先可以再次收藏呢堆电影。但奈何有电影发行商私自删减电影片段再推出,更有好多连DVD都唔再推出,所以令好多影迷想搵足本版只可以从LD着手。

听到唔少人同档主讲:「每年都係等你呢档,每年都唔少未见过嘅嘢」我八卦一问档主会唔会有仓库放置,方便过年之后更多人光临搵到心头好,档主话:「冇,我只会每年摆几日,你搵到就搵啦。」所以想见识嘅朋友,好趁呢几日尽情搵搵你珍贵嘅电影回忆。

除咗电影以外,CD都算係货量最多嘅产品,由香港80-90年代嘅歌手,到外国70年代至00后嘅乐队都有唔少人搜寻。若见到档口放最当眼嘅镇档之宝,只係不断翻出又翻出嘅谭咏麟、张国荣、梅艳芳、陈百强嘅CD,大概就知佢主要想招徕边一类口味嘅客人。

黑胶狂热,地摊惊奇
但见到途人最疯狂搜集嘅产品,係近十年复兴嘅黑胶唱片,係近几年最多档口摆卖的。不论港、台、日、美嘅黑胶都有大量棒场客,上至《凤阁恩仇未了情》、梁醒波《审死官》、达明一派《石头记》、Beyond《阿拉伯跳舞女郎》下至David Bowie《Heroes》、Queen《Queen II》、Led Zeppelin 《Led Zeppelin IV》、坂本龙一 《Merry Christmas, Mr. Lawrence》、安全地带《安全地带V》等等………唔止中年人收集,仲有大批年青人去寻宝。

我历年见到唔同嘅人收集几款同样嘅唱片,所以之前有关于Queen主音Freddie Mercury嘅电影《波希米亚狂想曲:摇滚传说》票房大收亦不奇怪。网上亦见到唔少音乐群组成员年年都会贴出自己一袋袋嘅战利品,然后每一张唱片慢慢描述当中嘅歌手背景、製作班底、编曲风格、唱片同自己嘅回忆…每一张唱片佢地总搵到一个故事娓娓道来,每次睇到一篇篇嘅分享,你都会感受到收藏者当下喺地摊寻宝嘅喜悦。



所以每逢年假,好奇想寻觅多年电影、音乐、书刊回忆嘅朋友不妨去深水埗见识一下,可以话年宵以外几好嘅消遣地方,由下午到晚上都有人摆档,除咗上述嘅影碟唱片外,林林总总你想像唔到嘅产品都有人卖,绝对足够你一日时间观摩各式各样物品嘅二手市集。

相关推荐